Alumnonan di Mon Plaisir College Havo-5 a mustra nan proyecto di Computer Science  

ORANJESTAD (AAN): E interes den tur loke tin di haber cu ciencia di computer, ta grandi na Mon Plaisir College Havo y Vwo situa den Dakota Shopping Paradise.

   Recientemente, e studiantenan di Havo 5 cu hopi entusiasmo a duna nan presentacion final di nan proyecto di computer science, esta “IoT: Internet of Things”.

   Nan a yega cu ideanan inovador, y tambe solucionnan facil pa diferente tipo di trabao.  Dilanti demas alumno, cada uno a mustra con tecnologia ta conecta mundo completo, y cu mini-computers facil pa obtene awendia.  Tur esaki por wordo haci pa adapta na trabaonan di mas chikito, te esnan mas grandi.