Alumnonan di klasnan avanza na Colegio Arubano a goza di nan Fiesta di Fin di Aña

ORANJESTAD (AAN): E alumnonan di VWO-5, tambe VWO-6, y di HAVO-5 na Colegio Arubano, a festeha recien den oranan di anochi nan fiesta di fin di aña.

   Esaki tabatin como tema, un ‘Winter Masquerade Dance Party’, y e tabata uno caminda e alumnonan a acudi masivamente na dje.  Esaki a tuma lugar na China Club na Caya Ritmo, y e animacion musical tabata den man di DJ Splash.  El a mantene e hobennan riba pia constantemente, y di e forma ey e ambiente a bay super bon.  Docentenan tabata presente pa percura cu tur cos a bay netchi.

   Pa e fiesta aki tabatin Photobooth, y tambe por a come Sucu.  Riba combinacion di potret por mira mas di e anochi fenomenal aki cu tur hende a goza.  Pabien na e organizadornan.