Resultado di exitoso concurso di Pesebre pa scolnan organiza pa Instituto IKDA

ORANJESTAD (AAN): Instituto Kateketiko Diosesano Aruba (IKDA) a anuncia recien e resultado y

tambe bay entrega premio na esnan cu a sobresali cu nan pesebre, den e concurso ‘Bo Curason ta un Pesebre’.

   E pesebre ta un scol di bida, y pesey Instituto IKDA, ta desea di yuda na redescubri e nificacion pa tin un pesebre den tur hogar, scol of oficina.  Nan ta contento di sa cu den hopi famia e custumber di traha e pesebre ta wordo conserva. Pero no ta suficiente pa ripiti un gesto tradicional (asina mes cu e ta importante).  Tin di purba di biba den e realidad di dia pa dia loke e pesebre ta representa, e amor di Dios, su humildad, su pobresa. E pesebre ta un scol di bida, caminda nos por siña e secreto di berdadero alegria. Esaki no ta consisti den tin hopi cos, pero den sinti nos stima pa Dios.

   Pa sigui mantene e pesebre bibo den nos comunidad IKDA a organisa un concurso yama “Bo curason ta un Pesebre” pa e scolnan catolico na Aruba. IKDA ta hopi satisfecho cu e participacion di e scolnan.

IKDA a prepara material pa tur categoria pa asina facilita e scol pa print y laga e alumno kleur of traha e pesebre.  Aki DIARIO ta presenta resultado di e concurso.

   Ganadornan pa Categoria Scol Preparatorio ta: (1) Victoria Garcia di Imelda kleuterschool. (2) Joleigh-Ann Mathilda di Scol Preparatorio Cacique Aterima.  (3) Avy-Aliza Flanegin di Scol Preparatorio Cacique Aterima.

   Den Categoria Scol Preparatorio 3D:  (1) Lucas Justina di Scol Preparatorio Cayena.  (2) Aiden Genser di Scol Preparatorio Cayena.  (3) Imelda kleuterschool.  Tur alumno di scol preparatorio a haya un pintura di un pesebre cu nan por a kleur of traha un pesebre 3D cu e pintura.

    Categoria 1ste klas: (1) Jarzeleigh Richardson di Fatima College.  (2) Zoe Moekaran di St. Anna School. (3) Allys Hernandez Salcedo di St. Anna School.

   Categoria 2de klas: (1) Mason Vos di St. Paulus School. (2) Isabella Figaroa di St. Anna School. (3) Josver Peña di Colegio Laura Wernet Paskel.

   Categoria 3de klas: (1) Sòly-Ann Richardson di St. Anna School. (2) Shaan Tahayalani di St. Anna School.

   Categoria 4de klas: (1) Isabella de Kort di St. Paulus School.  (2) Etienne Donker di Colegio Bon Bini. (3) Mariangel Otaloral di Colegio Bon Bini.

   Categoria 5de klas: (1) Zyzhia Danje di St. Anna School. (2) Grupo A di St. Anna School.

   Categoria 6de klas: (1) Lisa de Kort di St. Anna School.  (2) Sherwin Christiaan di St. Anna School.

   Categoria scol: (1) St. Paulus School.  (2) Colegio Frere Bonifacius. (3) St. Anna School. (3) Rosario College.  E dosnan ey tabata den empate.

   Categoria Pesebre Creativo: E premio aki a bay pa alumno Nayerli di Colegio Bon Bini.

   Masha pabien na tur cu a gana! IKDA ta gradici tur scol, maestra y alumno y nan famia pa nan aporte duna na e concurso di pesebre. IKDA ta desea henter pueblo di Aruba pa comparti e Pasco aki cu bo famia cu hopi amor y prosperidad y cu Niño Hesus keda bibo den boso curason. Felis dianan di fiesta.