Wind Creek Aruba alegrando e temporada cu Macuto di Pasco na alumnonan di Scol Basico

ORANJESTAD (AAN): Wind Creek Aruba, un lider reconoci den industria hotelero di Aruba,

ta orguyoso di introduci su “Corporate Social Responsibility Committee.” E ekipo dedica aki, forma di miembro di varios departamento, ta profundamente comprometi cu yuda nos medio ambiente y comunidad. E esfuerzonan di e comite ta enfoca strategicamente riba cuater pilar clave: Social, Educacion, Salud & Bienestar, y Medio ambiente.

  Cu gran placer nan ta anuncia nan iniciativa esta, pa trece alegria y e sentido di pertenece na e comunidad durante e temporada di fiesta aki. Den un gesto di amor, e comite a distribui macutonan di Pasco na alumnonan di varios scolnan basico riba e isla, asegurando cu nan por disfruta di un cena di Pasco feliz cu nan famia.

   E macutonan di Pasco, yena cu cos dushi y productonan esencial, a worde rifa y distribui entre e muchanan. Esaki ta un di e hopi iniciativa cu ta parti di e esfuersonan mas amplio di e compania pa duna back na e comunidad y haci un impacto positivo den bida di esnan cu tin necesidad.

   “Nos ta kere den e poder di duna back.” un di e miembronan di comite di Wind Creek Aruba a bisa. "Dunando e macutonan di Pasco aki, nos ta spera di trece un tiki mas alegria na e alumnonan y nan famianan durante e temporada special aki.  Esaki ta nos manera di bisa danki y duna back na e comunidad."

   E alegria di e alumnonan tabata sumamente positivo, hopi a expresa nan gratitud pa e apoyo y generosidad mustra pa Wind Creek Aruba. Nos ta gradici Ling & Sons pa nan yudansa den preparacion di e macuto cu comestible y ham.

   Mientras cu e temporada di fiesta ta cerca, Wind Creek Aruba ta keda comprometi na su mision di responsabilidad social corporativo y lo sigui busca oportunidadnan pa apoya y eleva e comunidad local. E iniciativa di macuto di Pasco aki ta solamente un di e hopi manera cu e compania ta haci un diferencia.”