Algun di e klapchinan Mericano cu lo wordo bendi tin nan nombernan creativo

ORANJESTAD (AAN): Manera ta conoci, e aña aki casi lo no tin klapchi fabrica na China ta wordo bendi na Aruba.

  Djis un poco di China cu a resta di aña pasa, lo wordo bendi atrobe.

   Como cu tabatin dificultad pa ricibi cargamento di klapchi for di China, na ultimo ora algun importador na Aruba a core manda busca klapchi for di fabricanan di Fireworks na Merca.  E diferencia ta cu e klapchinan aki tin instruccion hopi mas claro skirbi riba nan con pa tira nan.

   Y e nombernan cu e vuurwerknan aki ta bin cune, ta hopi ‘creativo’ mes!  For di ora cu DOW y Bombero a habri e prome containernan pa control, DIARIO por a tuma nota cu algun nomber di e cahanan cu a bin den containernan chikito di 20 pia largo.

   Nombernan cu ta wordo usa door di e productonan di vuurwerk Mericano ta e.o. “Proudly We Hail”, “Colonel Popper”, productonan surti yama “Game Night” (bao di cual tin e.o. Pinball, Retro Arcade, y Air Hockey Hero), “Patriotic Sky Buster”, “Angry Bullets”, “High Energy”, “Bottoms Up”, “Blaster Bombs”,

  Por ehemplo e producto di ‘Proudly We Hail” ta manda raketnan te cu como 160 pia halto.  Colonel Popper ta saca 31 shot cu ta yega te maximo 100 pia halto, cu explosion colorido den cielo.

   E lo bay ta un fin di aña hopi diferente cu stock limita di klapchi.  Pero chens pa admira mas e forma y proceso cu un otro pais ta fabrica vuurwerk.