Ainda tin personanan cu deficiencia auditivo cu tin gapnan pa cu nan enseñansa

Stella Monsanto di FEPOH durante presentacion di buki:

ORANJESTAD (AAN):  Stella Monsanto, Presidente di Fundacion FEPOH cu ta un fundacion pa personanan cu deficiencia auditivo, a duna di conoce cu nan a acudi na Biblioteca Nacional na Playa pasobra a celebra Dia Internacional di Personanan cu Deficiencia Auditivo. E lema di e aña aki ta 'Hunto nos por logra'.

            Tur aña tin un tema cu ta purba di bisa algo pa e comunidad ta consciente cu e personanan aki tey y cu tin cu inclui nan den comunidad como tambe duna nan oportunidad, a remarca.

            Stella Monsanto a sigui splica cu riba e dia aki Fundacion FEPOH a wordo acerca pa Sr. Jose Miguel Donata cu e skirbi un buki di su ruman muher, kende a tempo aya a bay studia na Surinam. El a bisa cu el a keda babuca di mira con tin personanan cu deficiencia auditivo cu tin gapnan pa cu nan enseñansa.

            Esaki na Aruba esey no ta bon hinca den otro. E gapnan ta keda cu mester yena pasobra ta trata di e futuro di e personanan aki. Nan mester tin un scol special pa guia nan pa asina nan por funciona den comunidad, a bisa.

            El a bisa cu ta bunita pa e meneer aki por a sigui e storia di su ruman muher pa cu su enseñansa.