ORANJESTAD (AAN): Dialuna 25 di september ultimo cantantenan di coro ‘Ars Nova’ a ricibi nan certificado ‘Tayer di Canto’ for di pedagogo di canto y musica Tica Giel.
Mayoria di e cantantenan di e coro a sigui 6 les di un ora riba tecnica di canto durante 6 siman, practicando e.o. dominio di rosea, uzo di resonancia, bon articulacion, formacion corecto di tur vocal pa asina nan mehora nan canto.
Tur esaki den preparacion pa nan concierto di Pasco bao direccion di Jane Lanooij riba diasabra 2 december venidero den aula di E.P.I.
