AHATA a tene su reunion di directiva na EPB San Nicolas

ORANJESTAD (AAN): Durante siman, e directiva di Asociacion AHATA a tene nan reunion di directiva na Cadushi Restaurant di EPB San Nicolas.

   Pa AHATA, tabata un gran honor y sigur alegria pa 3 klas di e scol a cushina, horna, y sirbi nan almuerzo.  E almuerzo tabata hopi delicioso, y e miembronan di directiva a aprecia un mundo e esfuerso di e studiante y docentenan.

   E studiantenan na nan turno, a haya chens pa demostra na e profesionalnan di turismo, con bon nan habilidad ta pa prepara cuminda, y duna servicio na mesa tambe.  Tur cos tabata fenomenal.

   Esaki ta un satisfaccion pa AHATA pa mira con e studiantenan cu nan docentenan, y lidernan di scol ta den progreso continuo.