ORANJESTAD (AAN): Diahuebs anochi e promer Minister President di Aruba, mr. Henny Eman di 75 aña, a worde hospitalisa.
E estadista grandi aki di Aruba ultimo añanan ta sufriendo cu un serie di reto cu su salud. Desde algun siman awor e confronta un cumulacionn di contratiempo cu su salud.
E situacion a empeora cu e mester a bay hospital Diahuebs anochi y a keda interna. Su condicion ta keda stabil, pero hopi fragil. Su señora y rumanan tabata cune te laat anochi.
Henny Eman tin un carera imprecionante di tres Gabinete y ta reconoci como e homber cu e vision y e liderazgo pa a crea e industria turistico moderno di Aruba despues cu Lago a sera. E industria riba cual henter Aruba ta depende awe. Tambe e a lider Aruba den e temonan dificil cu Aruba a bira Pais ariba su mes como e Promer Minister President na aña 1986.
Den seno di famia Eman e ta ruman grandi cu a yuda carga e famia na un edad hoben door di temponan dificil cu nan tata Shon A a fayece y a laga 8 yiu un viuda atrás. Famia Eman ta keda positivo, cu poder di Dios, Henny lo por recupera for di e contratiempo aki.
