ORANJESTAD (AAN): Recientemente, Minister Endy Croes a reuni cu directiva di Fundacion Facilidadnan Deportivo (FFD).
Un reunion bastante amplio, unda cu FFD a duna un presentacion tocante nan plan di mantencion.
Minister di Deporte Endy Croes a cuminsa duna diferente organisacion cu a acerca Ministerio di Deporte asistencia. FFD ta percura pa mantencion di 8 facilidad deportivo aki na Aruba, pero tambe ta duna ayudo na otro facilidadnan pa mantencion.
A tuma nota cu desde aña 2010 tabatin un deterioracion di e facilidadnan deportivo na Aruba. Manera nos sa, e gobiernonan anterior a laga nos stadionnan desaproba, unda cu nos seleccionnan mester a hunga nan “homegames” den exterior.
A traha duro pa e aña aki nos tin un stadion completamente renoba y aproba.
Minister Endy Croes a pidi FFD pa dirigi nan mes 100 porciento riba e mantencion di e facilidadnan y pa traha un lista di locual tin prioridad, pa asina cuminsa pone accion pa yuda drecha e parkenan cu ta deteriora.
FFD a inicia caba cu e mantencion di e veld na Mabon, pues pronto e veld lo ta operacional bek pa e deportistanan di softball y baseball.
https://diario.aw/categories/noticia/general/a-presenta-plan-di-mantencion-pa-e-facilidadnan-deportivo#sigProId13a9f85a8b