ORANJESTAD (AAN): Diamars atardi, Minister di Deporte Endy Croes a reuni cu presidente di ASU,
Señora Soraida Boekhoudt y dos miembro di directiva; Señora Jos Maduro y Sr. Hubert Solagnier unda a trata di diferente topico.
Directiva ASU a presenta nan vision y tabata desea di haya un “update” di e vloer di Centro Deportivo Libertador Betico Croes. Manera ta conoci, durante pandemia Centro Deportivo Libertador Betico Croes a worde uza como centro di vacunacion y a acorda cu Gobierno di Aruba lo percura pa renobacion di e vloer.
Minister Endy Croes a indica cu e directiva anterior di ASU a laga kibra a vloer y actualmente Centro Deportivo Libertador Betico Croes ta for di uzo. Mandatario di Deporte ta en espera di un conseho final di Directie Financiën, pa asina por brinda e ayudo financiero na ASU.
Mandatario di Deporte a enfatisa cu ohala prome cu fin di luna di juli e vloer ta completamente drecha. Banda di esaki, directiva nobo di ASU a duna Minister Endy Croes un “update” di con nan haya ASU. Un maneho hopi deteriora cu e directiva anterior a laga atras pa e directiva nobo.
Mester agrega cu ASU a inicia back cu ‘import duties’, esaki tabata existi, pero no a worde practica manera debe ser. Esaki ta encera cu tur federacion cu ta afilia na ASU cu ta cumpra nan materialnan di deporte den exterior y ta cu percura pa nan factura worde poni riba nomber di ASU, ora cu materialnan di deporte yega Aruba, nan no mester paga impuesto.
Un otro punto cu directiva di ASU a informa Mandatario di Deporte ta cu nan tin problema cu e dak di Centro Deportivo Libertador Betico Croes cu ta lek. E dak a worde drecha anteriormente y e no a keda bon como tal nan ta bezig pa yega na un solucion pa e dak.
Directiva di ASU a indica cu tin problema cu un di nan airconan. Tin basta trabao pa worde haci. Concluyendo, Minister Endy Croes a indica cu e tabata un bon reunion y tin desaroyonan nobo pa cu ASU.
