ORANJESTAD (AAN): Hopi biaha ta ser bisa, cu bo numbernan di suerte ta bin di intuicion.
Y esey ta loke Meleny a ripara, ora cu le a mira numbernan di suerte pasa riba un auto.
El a recorda e numbernan y a bay cumpra nan pa wega di Zodiac. Aki bo ta escoge un number hunto cu un signo pa bo ta den wega.
Meleny a bira feliz ora el a nota cu el a gana tambe! Pesey riba Diamars el a acudi na Oficina di Lotto na Playa pa reclama su premio. Aki a revisa su ticket, y ora cu a scan e barcode, e computer a confirma cu Meleny a gana 25.000 Florin cu e wega di Zodiac.
Asina a sigui cu e proceso pa transferi e premio electronicamente pa su cuenta di banco. E ticket ganador mes, Meleny a cumpra na Meiveld Lucky Lottery.
