Gobernador Alfonso Boekhoudt a vota e biaha aki na Tanki Leendert

ORANJESTAD (AAN): Na Centro di Bario Tanki Lender na Tanki Leendert, Gobernador Alfonso Boekhoudt a deposita su voto, pa un Parlamento nobo pa e periodo 2021-2024.

Esaki ta e di dos biaha cu el a vota den su funcion di Gobernador.

   Por a nota cu Censo tambe a cambia e lugar di vota di Gobernador.  Na 2017 el a vota na St. Annaschool na Noord.

   Na urna 14 el a deposita su voto debi cu como bon ciudadano e tin e deber civico.  Gobernador a mustra riba e importancia pa bay vota, pa asina bo escoge lidernan pa dirigi e pais.  El a mustra cu tin algun pais rond mundo unda cu pueblo no ta haya chens pa participa den eleccion y eligi nan mesun lider.

   Awor ta bay keda pendiente di e resultado di eleccion. 

   Despues Gobernador lo bay ta mas envolvi den e proceso di nombra un informador, pa yuda den e  formacion di gobierno, cu lo tuma su tempo den e dianan cu ta bin.