Ya ta 35 aña desde cu na Aruba a crea e titulonan internacional WBC

Historia di Boxeo ---ORANJESTAD (AAN): E tabata un fecha hopi special cu a marca un oportunidad nobo!  Durante e Convencion Anual di WBC di 1986 na Oranjestad, Aruba,

tabata e momento cu a crea e titulonan internacional di WBC, cu tabata un idea inovador promovi pa e presidente di bida di e organizacion Don José Sulaimán, kende a aproba y nomber Antonio Sciarra como Presidente di e Comision Internacional.

   E tabata un fecha hopi special cu a marca un oportunidad nobo pa esnan cu ta soña den dia cla, cu ta train tur dia cu disciplina y entusiasmo, boxeadornan cu ta haci nan best den tur gym cu e meta pa wordo reconoci, y cu den futuro nan por conquista un di e campeonatonan mundial absoluto di World Boxing Council (WBC).

   Despues di a aproba e campeonatonan nobo aki, ya caba dia 10 di December 1986 na Hua Mark Indoor Stadium na Bangkok (Thailandia), e boxeador mexicano Raul Valdez a enfrenta e local Rocky Chitalada pa e titulo di WBC International Minimosca, cu el a gana tambe via knockout.

   For di e tempo ey, e campeonato aki a aparece den multiple scenario di boxeo rond di mundo, y a wordo disputa door di boxeadornan cu a base di esfuerzo y specialmente pasion, a gana e gran oportunidad aki.  E titulonan aki desde cu nan a wordo crea, a fungi como un antesala di e campeonato mundial den cada un di e divisionnan existente.

   Uni di nan tabata e titulo di Superwelter logra pa e mexicano Marco Antonio ‘Veneno’ Rubio na Augustus 2003, ora cu el a knockout den dos round e nicaraguense José ‘Temible’ Varela.

   E titulonan internacional di WBC tabata e bentana internacional pa hopi hoben kendenan posiblemente awendia lo no ta logrando exito, si acaso e creacion di e titulonan aki na Aruba no a ser haci.  E ta un di e tantisimo cu e President di WBC a haci den su funcion di lider di e organizacion mas importante, poderoso, y influyente den historia di boxeo mundial.

   WBC awor ta rindi un gran homenahe na Mauri Betti, kende desde cu el a tuma over e liderato di comision di WBC International na 1994, despues di fayecimento di Antonio Sciarra, el a sa di administra e fahanan aki, trahando incansablemente rond di mundo ta dunando nan prestigio y e importancia cu e coronanan aki merece, y yudando empuha hopi boxeador hoben pa nan bay halto y asina logra e prestigio y exito cu e deporte aki ta ofrece y a demostra e ultimo añanan, cu cada biaha ta hayando mas fanatico rond mundo.

  WBC a bira grandi, danki na e decisionnan tuma durante e reunionnan aki 35 aña pasa riba e isla chikito di Aruba.