ORANJESTAD (AAN): S.V. Racing Club Aruba, cu ta e organizacion Deportivo mas grandi y mas exitoso na Aruba, a ranca sali cu hopi forsa den e Campeonato nobo.
Den fin di siman varios ekipo tricolor a mira accion y a dedica nan prome wega na concientisacion di cancer di pecho, bistiendo mea color ros.
Pa locual ta division di honor, RCA “Big Wheel Lottery powered by Powerade” a golea United cu e score di 5-0 y di biaha ta pasa pa lidera e table di posicion.
Diasabra awo pa 6.30 pm den CDGPT e Soldatnan di Solito ta topa Bubali den e 2do siman di Division di Honor.
Directiva Tricolor ta desea tur su 16 ekiponan, U5, 2x U7, 2x U9, 3x U11, 2x U13, U15, U17, U20, damas U15, damas Open y Division di Honor, tur clase di exito pa e Campeonato 2021-2022.
Un danki masha special ta bay pa tur nos sponsornan: Welcome Back Snack, Interprint, Tricolores Corner, Guardian Group, Aruba Bank, Wendy’s, Chillerz, Aruba Insurance Broker, Famia James Odor y Tropical Bottling Company.
Sin e contribucion di e sponsornan y trabao duro di coaches , leidsters y mayornan, ta imposibel pa RCA por participa cu exito na e campeonato.
Por ultimo directiva ta invita un y tur pa pasa Club, pega bo car-sticker y cumpra bo ticket di BBQ pa diasabra 6 november nos bini hunto manera un gran famia na RCA Arena. Un palabra di exito ta bay na tur otro organizacion Deportivo.
