Minister di Enseñansa y Deporte a batiza uniform di futbol di SV Atletico Santa Fe

ORANJESTAD (AAN): Diabierna ultimo Minister Endy Croes tabata presente na veld di Meiveld unda e la wordo ricibi cu un caluroso bon bini door di e muchanan di e ekipo di SV Atletico Santa Fe.

            Durante un ceremonia bunita y bon anima e Mandatario a haci e acto di bautismo di e uniformnan di e ekiponan pa e temporada nobo di futbol 2021 – 2022.

            Minister Endy Croes a sigui bisa cu e tabata un atardi hopi placentero y a felicita SV Atletico Santa Fe y su directiva cu ta consisti di shete persona y wordo domina pa e ser femenino, algo cu bo no ta haya normalmente den un directiva.

            Presente ne e ocasion special aki tabata Presidente di Arubaanse Voetbal Bond – AVB,  sr. Randolf Lacle, Parlamentario sra. Darlaine Guedez- Erasmus y e patrocinadornan. 

            Minister Endy Croes pa finalisa a gradici pa e invitacion y e bunita recepcion.

“Di curason SV Atletico Santa Fe y tur deporte por conta cu sosten y apoyo di Ministerio di Deporte den cuadro di desaroyo pa nos hobennan formando caracter, formando disciplina y formando bon persona pa cu futuro di Aruba. E Mandatario a gradici e mayornan cu ta apoya nan yiunan y duna nan e sosten pa por practica deporte y e boluntarionan cu ta traha cu amor y pasion pa deporte. Alabes ta desea SV Atletico Santa Fe hopi exito den e temporada nobo di futbol.