Veld di RCA Arena ta hayando instalacionnan nobo di luz

ORANJESTAD (AAN): Ta conoci cu e instalacionnan di luz cu stadion di RCA na Solito tabatin,

ta data di decada di 1980 y mas cu claro tanto e palonan di luz, y e instalacionnan mes di luz a deteriora bastante.

   Riba e potretnan aki pa cortesia di Ministerio di Deporte, por mira cu ya caba trabao ta wordo haci e dianan aki cu tin vakantie, pa a basha fundeshi y pone palonan nobo di luz a lo largo di e tereno cu awor ta conoci como ‘RCA Arena’.

   Ministro Gerlien Croes tambe ta contento, y a declara cu ‘Solito den iluminacion’, y a agrega cu algun dia mas falta pa e organizacion di Racing Club Aruba lo tin nan luznan cla.