Trabao ta sigui pa veld di SV Nacional haya turf artificial

ORANJESTAD (AAN): Den fin di siman, Ministro di Deporte Gerlien Croes ta sumamente contento cu

desaroyo riba terenonan di wega pa deportistanan local!  Pesey el a exclama cu ‘Trabaonan ta continua!”.

   E FIFA Turf Project ta sigui avansa, y den fin di siman a cuminsa cu e proceso crucial di grading na veld di S.V. Nacional situa na Alto Vista.

   El a splica, cu esaki ta un paso mas den nan compromiso pa sigui mehora infrastructura deportivo y crea mihor facilidad pa futbolistanan.

   E titular di Deporte a manda palabra di danki dirigi na FIFA, na Arubaanse Voetbal Bond (AVB), na tur partner y profesional envolvi pa nan aporte y dedicacion. Hunto ta sigui inverti den futuro di Futbol na Aruba.  E potretnan aki pa cortesia di Ministerio di Deporte.