Tremendo partido entre seleccion di Aruba y team internacional

ORANJESTAD (AAN)- Diabierna anochi a tuma lugar e wega di futbol tan spera entre Seleccion Aruba vs Team Internacional “Road to nations league 2022”.

Den e tremendo partido aki, caminda por a mira un publico basta aceptabel presente e seleccion di Aruba a sa di gana e team internacional 3 pa 0.

Goleadornan di anochi pa e Seleccion di Aruba ta Fernando Lewis na di 35 minuut, Josua John na di 72 minuut y Benjamin Maria na di 83 minuut. Un pabien na e team di Seleccion di Aruba como tambe na e Team Internacional cu a duna fuerte bataya caminda publico presente y televidentenan a goza di un tremendo partido.