Hobennan a keda encanta cu nan por a participa na tres diferente actividad bao un solo dak

ORANJESTAD (AAN)- IBiSA hunto cu Fundacion Tur Cos ta posibel a tene un dia di evento “Build it back together”, Diasabra na Spotcentrum San Nicolas.

 Segun Kamilah Dammers, waarnemend chef di sportsrecreatie di IBiSA el a bisa cu hunto cu Fundacion tur cos ta posibel nan ta trece voluntarionan di afor pa diferente proyecto na Aruba. Y mirando cu nan ta traha hopi na San Nicolas nan kier a haci un proyecto pa San Nicolas y a bin riba e idea aki, caminda e hobennan por participa den tres diferente tipo di actividad cu ta deporte, arte y baile.

  Un total di 160 hoben a inscribi pa e dia aki, caminda cu tin 15 voluntario, 3 pa cada evento y asina e hobennan ta liber pa move rond y participa den cada 1.

Esaki ta pa prome biaha un un evento asina a wordo teni, y segun Kamilah e ta spera cu e proyecto aki por bay pa otro barionan tambe, ya cu e voluntarionan ta na Aruba pa 2 siman. Pero cu ora nan bay ta bin otro voluntario.