E prome evento cu Aruba Taekwondo Bond a organisa pa e aña aki tabata hopi exitoso

ORANJESTAD (AAN): Presidente di Aruba Taekwondo Bond "ARTBO" Sr. Moises Fernandez ta gradici Prensa, Miembronan di COA,

Subsidie Commissie y tur e Boluntarionan pa asisti na e Campeonato di Himno y Bandera cu a wordo organisa den fin di siman na Compleho Deportivo Frans Figaroa.

Esaki ta e prome evento cu ARTBO a organisa pa e aña aki. E siguiente evento ta e Campeonato Nacional di dia di Rey, sigui pa Campeonato Nacional di Aruba. ARTBO tin varios evento pa aña 2022 entre otro Curso y Campamento di Taekwondo. Sr. Moises Fernandez ta hopi contento di por a mira con grandi Taekwondo a crece apesar cu Covid a paralisa Taekwondo pa un tempo.

ARTBO tambe kier a gradici tur e scolnan di Taekwondo y nan coach cu a participa den e campeonato di Himno y Bandera, mustrando cu Taekwondo a crece hopi cu mas atleta. ARTBO a conta cu 7 scol for di 11 scol cu tin na Aruba y cu a haci e campeonato uno exitoso.