Tiger Taekwondo cu entrega di certificado

ORANJESTAD (AAN): Recientemente Tiger Taekwondo Academy a haci entrega di certificado na 4 atleta cu a pasa nan examen di faha preto Poom cu exito.

Ta trata aki di e atletanan:  Khaleesy Ridderstaat, Janoah Ridderstaat, Raimara Blanco y Payton Sibilo.

   E examinado tabata Master Moises Dumfries. Importante di e certificado aki ta cu e ta di e Cas di Taekwondo di Korea ta entrega esaki. Maestronan Teo Rodriguez y Jason Ridderstaat di Tiger Taekwondo Academy ta felicita e atletanan cu e logro grandi aki den e deporte campeon di taekwondo.

   Aki por mira nan cu nan certificado.