Tiger Taekwondo Academy cu bon participacion Internacional

ORANJESTAD (AAN): Recientemente Tiger Taekwondo Academy a participa na e competencia Classificatorios Panamericanos 2023 na Brazil.

Como representante Aruba tabata tin Saray Chirinos cu a competi den 4 pelea pa clasificacion.

   E prome pelea contra Honduras, Saray a logra gana pa superioridad. E siguiente pelea tabata contra e atleta number 1 den ranking internacional Andrea Ramirez “Chulca”  di Colombia den categoria -49. Tin cu bisa cu Andrea Ramirez ta atleta olimpico cu tabata 3 biaha campeon mundial.

   E siguiente tabata contra e number 5 mundial di Canada y despues di un pelea interesante, Canada a logra gana. Aki Aruba no a logra clasifica pa e campeonato Chile 2024.

   Tiger Taekwondo Academy ta sigui kere semper den tur su atletanan y ta gradici tanto Federacion di Taekwondo  di Aruba como e pueblo di Aruba cu ta contribui positivamente cu e academia. E siguiente meta ta logra gana durante di e weganan Centroamericanos na Republica Dominicana desde 22 di april proximo.