Exitoso weekend di Competencia di Taekwondo 2023

ORANJESTAD (AAN): Den fin di siman cu a pasa, a tuma luga e competencia nacional di Aruba Taekwondo den Centro Deportivo Simeon Antonio.

   Organizacion tabata den man di Monica Pimentel y su team. Cu e articulo aki Addonsito ta felicita Monica y henter Aruba Taekwondo Bond pa un evento exitoso.

   E cinco scolnan di taekwondo participando tabata Noord, Brazil, Tiger, Impact y Estrella. Mas cu 60 atleta infantil, cadet, junior y senior a participa. Pabien na cada un di e atletanan di taekwondo y nos ta sigur cu Aruba lo conoce e campeonnan mundial den futuro hopi cerca.