Exitoso competencia escolar Kids Athletics Kleuter organisa pa IBiSA

ORANJESTAD (AAN): Siman pasa, Minister Endy Croes a presencia Kids Athletics Kleuter organisa pa IBiSA.

E competencia escolar a tuma luga na Centro Deportivo Frans Figaroa na Noord.

   Un total di diesseis ekipo a participa, cada ekipo a consisti di 8 mucha di (12) diesdos scol preparatorio. E ekiponan a wordo forma pa (4) cuater mucha muhe y (4) cuater mucha homber entre 4 pa 6 aña. Den dos ora e muchanan a haci diferente disciplina cu ta diseña pa nan. E proyecto aki ta siña e muchanan e.o. mobilidad y coordinacion etc.

   Resultado di e Kids Athletics Kleuter na prome luga Arco Iris Kleuterschool 1, sigui pa Imelda Kleuterschool y por ultimo Arco Iris Kleuterschool 2. Minister Endy Croes ta gradici IBiSA pa trek e bunita proyecto aki. Palabranan di pabien na e muchanan cu a haci e Kids Athletics Kleuter uno sumamente exitoso. Masha pabien na e ganadonan.