Team Aruba U6 a titula Campeon di Torneo Big Boys na Punta Cana

ORANJESTAD (AAN): Henter e delegacion di Aruba a bira contento, cu hopi alegria y a subi hasta veld pa felicita e muchanan di seleccion U6 di Aruba,

cu a participa na e Torneo Big Boys na Punta Cana, na Republica Dominicana.

   Bunita pa mira con e wega tabata empata 15-15, y e hobencito K’drian Dijkhoff a dal loke ta wordo describi como e “Hit di Oro”, pa asina empuha careda y Aruba a bay cu e titulo di campeon, ganando Mexico cu e score di 16-15.  K’drian Dijkhoff ta nieto di e conocido basebalista Chiki Dijkhoff.

   Coach Shaun Toppenberg tambe a bay den total euforia di celebracion, y el a indica di a keda hopi contento, y ta alegre cu su team a logra e titulo maximo den Torneo Big Boys.

   Riba potretnan por mira mas di e celebracion.

   Un otro team di Aruba, esta U8 a logra sali na di dos lugar.

   Na ambos team, DIARIO ta manda palabra di felicitacion cu e logro aki.