Team di Aruba a saca potret cu President di Republica Dominicana

Aruba U8 a sali na di dos lugar

ORANJESTAD (AAN): Riba Dialuna a tuma lugar e final di Torneo Big Boys na Punta Cana, situa na e parti mas pariba di Republica Dominicana.

   E team di U8 tambe a bataya den e torneo aki, y na final nan a logra sali na di dos lugar.  Un logro sigur di admira y pa felicita e muchanan aki cu nan logro.

   E muchanan di seleccion Aruba U8 a haya e oportunidad di saca potret cu President di Republica Dominicana, esta Luis Abinader kende a presencia e torneo di baseball Big Boys na Punta Cana.

   E team di U8 a finaliza na di dos lugar den e torneo di Big Boys na Punta Cana.   Manera por mira na otro pagina, e team di U6 si a logra sali campeon den nan categoria.