Seleccion Nacional di Atletiek a gana 6 silver y 3 brons na Nicaragua

ORANJESTAD (AAN)- Dialuna merdia e Seleccion Nacional di Atletiek a yega Aruba caminda nan a wordo ricibi pa famia y compañeronan di e team.

E seleccion recientemente a bay competi na Nicaragua caminda nan a competi 2 dia largo henter dia den tur disciplina di track & Field. Y pa nan tremendo esfuerzo nan a logra 25 medaya di cual 6 silver y 3 brons.E atleta Kyon Maduro a logra dos medaya di Plata den e Heptathlon unda e ta logra un e dos lugar den shot put 3kg y 80m sprint.

Den e competencia di Pentathlon den high jump, Naiva Kock a logra un medaya di Plata. Den e Heptathlon den e 80m sprint, Montserrat Willems ta logra un di tres lugar bon pa un medaya di Brons. Tambe Montserrat ta logra un medaya pa e di 5 lugar den e long jump U15. Dayna Leer a logra un di 4 lugar den e 80m sprint y ta ricibi su medaya. Un pabien hobennan pa e tremendo premiacionnan cu boso a logra.