Patrishi Sports a tene nan di 3 celebracion caminda mas di 200 atleta a wordo homenagea

ORANJESTAD (AAN)- Diasabra anochi tabata tin e di 3^rd Annual End of the year ceremony di Patrishi Sports na Drive-Inn Cinemas.

E anochi aki ta caminda a homenagea mas di 200 atleta cu a destaca durante aña 2021. Tabata tin masha hopi persona mes presente cu a haci e anochi aki uno exitoso y inolvidable sigur pa tur esnan cu a wordo homenagea. Un pabien na tur deportista cu a wordo premia e anochi aki den cada ranking.

Tambe na e hoben Adrion Dirksz cu a haya e premio como inspiracion di aña, Volunteer motor United como voluntario di aña, Glennon Eights como Role Model of the year, Alive Running Team Aruba como team di aña,

Eagle in Color by Eagle 297 Runners como evento di mucha di aña, Ronde van Aruba como evento adulto di aña y Johan de Rover como organizador di aña.