Sunrise Stingray Softball Team a celebra nan Cena di Pasco

ORANJESTAD (AAN) – Sunrise Stingray Softball Team, a disfruta di un bunita Cena di Pasco y señor Sherman Hose,

Presidente di e organizacion, a duna DIARIO informacion tocante nan celebracion.

E celebracion aki a cuminza cu un oracion chikito, gradiciendo Señor pa e oportunidad di sinta hunto den e Cena di Pasco aki y despues a sigui cu e parti protocolar, den cual nan a duna algun reconocimento y tambe a batiza uniform, y seguidamente a rifa un basket, y despues e Cena a tuma lugar.

Hose a informa tambe cu riba dia 25 di Januari, Dia di Betico, lo tin un dia deportivo na Madiki, unda ta bay tin cinco wega cu un total di diez club. Cu e actividad aki nan lo cuminza nan actividadnan pa aña 2022, y despues lo reuni pa e siguiente eventonan aunke tur cos ta depende di e desaroyo di e pandemia.