Seleccion femenino di Aruba U-15 a gana prome wega contra St. Vincent & Grenadines 5-0

ORANJESTAD(AAN): Den e dianan aki e torneo Concacaf Girls U-15 ta tumando lugar na Aruba mes den stadion Guillermo Trinidad na Dakota

y e seleccion di nos isla a haci un tremendo trabao di gana nan prome wega contra St. Vincent & Grenadines.

Aruba a domina e wega por completo, yuda sigur pa e tremendo actuacion di Zyana Rogers, kende a anota 3 gol usando su velocidad.

Aruba constantemente a crea situacionnan peligroso dilanti di e gol di su contrincante, mientras cu apesar di permiti 5 gol, e keeper di St. Vincent & Grenadines a para diferente tiro di Aruba.

E prome gol di Aruba tabata un penalty anota pa Adannaya Breinburg, despues di cual Rogers a anota e 2-0 y e 3-0.

Den di dos tempo Aruba a sigui pone presion y na dado

Leandra Angela a anota e 4-0.

Net prome cu pito final di wega Rogers a anota un bunita gol, pasando e bala bao di brazanan di e keeper pa pone e score final na 5-0.

Diahuebs 7’or di anochi Aruba lo enfrenta Dominica.