Aruba All Stars U-15 a perde 3-0 di Anguilla

ORANJESTAD(AAN): Den e torneo di Concacaf Girls U15 cu ta tumando lugar na Aruba, e All Stars Girls U15 team di Aruba a perde nan prome wega 3-0 contra Anguilla.

Aruba no a logra crea mucho bon oportunidad di gol contra e fuerte ekipo di Anguilla.

Asina mes cu e seleccion All Star di Aruba no tabata tin mucho tempo cu otro, nan a bringa pa toch hunga un wega aceptable.

Esaki apesar di e hecho cu Anguilla sigur a domina pa loke ta e aspecto fisico y den atake.

Algun di e muchanan muher di Anguilla tabata bastante corpulento, mientras cu varios di e hungadornan di Aruba tabata tin 12 cu 13 aña.

Sinembargo, nan a demostra potencial pa sigur desaroya na un manera positivo bayendo dilanti.

Despues di hunga awe contra Dominica 7’or di anochi, e seleccion All Star di Aruba lo topa cu Turks & Caicos Diabierna pa 11’or di mainta.

Tur wega ta tuma lugar den stadion Guillermo Prospero Trinidad na Dakota.