Seever Krozendijk ta conta e storia di su trayectoria cu Comite Olimpico Arubano

Contando di su 18 aña di historia den mundo di prensa deportivo

ORANJESTAD (AAN):  Siman pasa a graba un entrevista “podcast” special cu Seever Krozendijk, cu recien a anuncia su retiro como miembro di e ekipo di media di COA. Esaki tabata un decision dificil pa Seever, sigur cu tur locual e la experencia y siña durante su 18 aña como parti e organisacion.

            Durante e entrevista, Seever ta splica e dicon a tuma e decision aki y ta conta hopi storia bunita di momentonan inolvidabel cu sigur lo biba den su mente pa semper.

            Keda pendiente pa e prome episodio di un serie di entrevistanan cu lo bay ser graba cu diferente persona den mundo di deporte.