Demostracion di nivel halto di Karate den competencia organisa pa Dojonan Budokan y Shoshinkai

ORANJESTAD (AAN) --- Recientemente a tuma lugar un campeonato di e deporte di Karate cu a wordo organisa pa e Dojonan Budokan y Shoshinkai.

  E atletanan cu a competi den e evento aki a demostra cu nan ta competi pa duna tur loke nan tin pa proba nan mes ariba e Tatami.

  E organisadornan ta hopi agradecido pa e participacion di e Sensei Luis Escalona, Sensei Richard Chirino, Sensei Georges Carraha, Sensei Eduardo Macias, y tambe di Shidoin Madison Williams y Shidoin Aaron Galindo; como tambe hopi agradecido cu e apoyo di tur e mayornan di e atletanan cu a participa; e exito di e evento aki ta debi na tur esnan anteriormente menciona. 

  Un palabra di gratitud especial ta bay na Sensei Robert Silva y su asistentenan pa pone su Dojo na Piedra Plat disponibel pa e realisacion di e evento aki, y na prome lugar agradecido cu Dios pa Su Amor y Grandesa cu a hasi posibel cu e organisadornan y participantenan por a competi y duna un tremendo demostracion di nan nivel halto di Karate.  Organisadornan ta spera di por trece competencianan di nivel internacional riba nos isla.

  Siguientemente nos ta presenta varios imagen di e evento aki.