Riverplate a bira Campeon di Copa Henry Tromp 35Plus di Fedeveta

ORANJTAD (AAN): Diasabra ultimo den un stadion di Riverplate yen yen por a goza di un final simplemente candeloso!

   E wega pa 3er lugar entre Inter cu Britannia a wordo gana pa Britannia ya cu Inter no a presenta. Pero e musica y domino y lazonan Deportivo cu tur hende a bin pe no a strobe e ambiente y a hasi e anticipacion pa e finalnan mas hopi ainda.!

   E final grandi anticipa entre Nacional y Riverplate, no a desapunta at all.  E wega a cuminsa unda cu Riverplate via nan lateralnan a cuminsa cu atakenan feroz un tras di otro pero Nacional cu ta conoci pa su experiencia y defensa a wanta duro. Asina mes den un atake feroz  defensa di Nacional a comete un handball den area penal pa asina Referee Baron a fluit un penalty. Aki Siljean Vrolijk a score e unico gol di e Partido.

   Den di dos mitar, Nacional tabata esun atacando todo por todo, pero MVP Eugene Tromp merecidamente a gana e titulo di MVP, a tene su gol bashi pa su team co’i Campeon! Pabien na Riverplate y Nacional y tambe na Britannia y Inter pa nan logronan durante e campeonato.