Competencia na Paraguay
ORANJESTAD (AAN): Awe pueblo por cera conoci cu e 4 hobennan cu lo participa na e weganan Panamericano Junior.
Cu menos di 3 siman faltando pa e inicio di e weganan Panamericano Junior ASU2025, Comite Olimpico Arubano ta contento di por comparti e 4 atletanan hoben cu lo participa den natacion representando Aruba.
E atletanan masculino lo ta Inald Perna Fernandes y Braynsly Dirksz. Ambos atleta a destaca durante eventonan den 2025 y ta mustra di ta den forma pa asina bataya na Asuncion. Pa e atletanan femenino, nos tin Avi Tromp y atleta Olimpico Chloe Farro, cu despues di un aña 2024 y 2025 fuerte, ta bay midi nan mes contra e mihornan di nos continente.
Despues di nan competencia individual, e ekipo aki tambe lo participa den e evento “Relay”, asina trahando como ekipo. COA ta deseanan tur tipo di exito pa cu nan fase final di preparacion y na participacion na e weganan.
