Riba Diasabra North League a gana tur dos wega di Interleague 2022

ORANJESTAD (AAN): Diasabra a cuminza na e Veld di Little League na Savaneta, e prome rond di Interleague 2022 categoria 5/6 y tambe categoria 7/8.

   DIARIO a compronde, cu esaki ta di 2 aña cu ta organizando e competencianan final aki pa tur e muchanan.
   Esaki den e cuadro di duna e muchanan e oportunidad, pa competi cu otro deportivamente representando nan liga, sea e ta North League, Center League, of South League.

   Algo cu a hala atencion di DIARIO, ta con bon anima e mayornan tabata riba tanto Diasabra, y tambe riba Diadomingo.

   Riba Diasabra tabatin competencia di team di North League vs. South League.

   Den Categoria 5/6, esta e prome wega, e team di North League a gana cu score di 17-3.  Den e wega aki, e MVP di e competencia a bira Shay Matos di North League.

   Den Categoria 7/8, cu ta e di dos wega, e team di North League a gana cu score di 14-7.  Den e wega aki, e MVP di e competencia a bira Prince Ramada di North League.

   DIARIO ta felicita e organizadornan!  Y loke ta duna pueblo mas speranza, ta e hecho cu tur esaki ta trabaonan voluntario cu e commicion cu ta consisti di Jenny, Valerie, Christine y e Tournament Advisor kende ta Alvaro Maduro, cu e Tournament Director Giovanni Leocadia conhunto cu e veldnan cu ta pone nan mes disponibel pa cu e wega nan.

   Den DIARIO di Diamars, lo bin cu resultado di e wega di Diadomingo di Interleague 2022.