Campeonato double-A dedica na Richard Simon y di Henry Barrera a cuminza cu triunfo di Atco riba Red Machine

ORANJESTAD(AAN): Diabierna anochi na stadion Nadi Croes/Crismo Angela a tuma lugar e prome wega di temporada di Double-A,

cu e aña aki ta wordo dedica na dos grandi den Aruba su baseball, esta Henry Barrera y Richard Simon.

Tabata un tremendo wega entre Atco Indians y Red Machine, cu a caba den un triunfo di Atco ora cu Jourick Blanco a bati un hit pa laga Red Machine den tereno cu e score di 7-6.

Den di 9 inning ainda Red Machine tabata gana 6-4, pero nan no a logra wanta Atco.

Pitcher perdedor tabata Yermes Alexander, kende a releva pitcher habridor John Michael Halley.

Pitcher ganador tabata Angelo Do Santos kende a releva Gerald Tromp.

Mihor bateadornan pa Red Machine tabata Ricardo Pelayo 4-2, Karel Arends 2-1, Meury Peguero 1-1 y Rolando Petronia 5-2.

Pa Atco e mihor bateadornan tabata Jourick Blanco 4-2 y Mitcherl Martes 5-2.