Playoff final di futbol division Honor ta ranca sali Diasabra awor 

ORANJESTAD (AAN)-  Diahuebs atardi e loting pa playoff final di futbol Division Honor a tuma lugar den Centro Tecnico Angel Bota na Noord,

caminda representantenan di cada 4 equipo tabata presente pa asina haci e acto oficial. Dia 18 di Juni lo tin e prome wega di final.

E prome weganan di playoff di futbol lo ta Diasabra 7 di Mei 2022, caminda lo inicia cu dos partidazo ora cu pa 6.30 di atardi Dakota lo enfrenta Britannia y pa 8.30 lo sigui e wega entre RCA y La Fama.

Siman cu a pasa tabata tin weganan pa e di 18 siman caminda e resultadonan tabata como lo siguiente.

29 April La Fama 0 – RCA 3

30 April United 4 – Riverplate 4

30 April Dakota 4 – Britannia 3

1 Mei Bubali 0 – Estrella 3

1 Mei Caravel 0 – Nacional 11

For di awor caba DIARIO Deporte ta desea tur 4 equipo hopi exito den e playoff aki.