ORANJESTAD (AAN) - Na BMC Facility a tuma lugar e firmamento di pelotero Jorge Espinal hunto cu ekipo di Nettuno Baseball na Italia.
Den presencia di su agente Sr. Conrad Efrem Orman y amigonan di baseball a firma e letter of intent caminda a oficialisa e proceso aki Jorge Espinal sigur ta un pelotero hopi conoci den mundo di baseball aki na Aruba.
Na 2016 Jorge a forma parti di e seleccion di Aruba cu hunga den e Serie del Caribe na Puerto Rico, tambe na 2018 Jorge forma parti di nos seleccion Nacional di Aruba di baseball AA cu hunga den Carribean Championship na Republica Dominicana.
Despues di esey na 2018 Jorge forma parti di Liga A2 hunto cu ekipo di Macerata Angels na Italia.
Tambe Jorge a gana titulo di Best Hitter durante di Praga Baseball Week na Republica Checo. Awor Jorge lo sigi demostra su talento na Italia hunto cu ekipo di Nettuno Baseball.
Pabien Jorge y hopi exito na Italia!
Informacion y potret cortesia di Sportszone Aruba.
https://diario.aw/categories/noticia/deporte/pelotero-jorge-espinal-a-firma-cu-organisacion-di-nettuno-baseball-na-italia#sigProIdc51b5f569d
