Jethro St. Fleur y Lana Robert a gana e di 26 edicion di 'Betico Memorial Run 2022"

ORANJESTAD (AAN):   Un total di 500 persona a participa activamente durante e ya famoso Betico Memorial Run. E biaha aki den su di 26 edicion.

E actividad tabata tin como punto di salida Centro Deportivo Libertador Betico Croes na Santa Cruz.

Esaki tabata un careda di 6 Km y 10 Km.

Prome cu e coredornan inicia nan careda a dedica un minuut di silencio na Roberto A. Geerman.

E careda, pa loke ta e 10 Km a wordo gana pa Jethro St. Fleur (masculino) cu un tempo di 00:34:43 y Lana Robert (Femenino) cu  un tempo di 00:40:30.

Mientras cu e 6 Km, den prome lugar masculino, Efijimy Croes a yega na prome lugar cu 00:24:00 y Pauline Vackier a gana e categoria femenino c'un tempo di 00:25:31.

Masha pabien na tur e participantenan.