Prospecto Alexander Albertus ‘El Tiburón’ a firma cu organizacion di Los Angeles Dodgers.

ORANJESTAD (AAN): Diasabra cu a pasa na oficina di Notaris Rodriquez-Taekema a tuma lugar e firmamento di e hoben shortstop Arubiano Alexander Albertus “El Tiburón”

kende oficialmente a bira parti di e famia di e organizacion di Los Angeles Dodgers.

   Den presencia di su mayornan, rumannan, y amigonan Alexander a firma tur e papel necesario hunto e scout Mericano Matthew Doppelt kende ta na Aruba como representante di e organizacion di Los Angeles Dodgers na lugar di scout Lando Chirino kende pa motibo personal no por tey presente awe na Aruba.

   Tambe ta bon pa remarca cu Alexander a forma parti di Josue Herrera Baseball Academy na Republica Dominicana y Ceo 58 baseball & sports development di Sr. Conrad Orman, Brian Larmonie hunto cu BMC Facility. Den pasado Alexander Albertus a hunga y forma parti di e organizacion di WhiteShark, NBO Heat di Sr. Conrad Efrem Orman aki na Aruba.

   Masha pabien Alexander Albertus cu e tremendo logro aki. Nos di Sportszone Aruba y Baseball Aruba kier a desea bo tur clase di exito den bo carera profesional di baseball.

   E potret y informacionnan aki pa cortesia di Sportszone Aruba.