Palonan nobo cu luznan LED inaugura oficialmente na veld di RCA

ORANJESTAD (AAN): A toca honor na Ministro di Deporte Gerlien Croes, pa flip e switchnan pa asina cende e luznan fuerte LED cu awor ta ilumina e veld di RCA Arena na Solito.

   Un proyecto cu a wordo aproba door di Ministro di aña pasa caba, pero a confronta algun retraso.  Pero awor porfin tur cos a keda cla, y e luznan bieu di 51 aña pasa a wordo kita y e palonan baha, pa asina a instala palonan nobo cu luznan LED mas eficiente.

   “Nos ta haciendo inversionnan continuo den futuro generacionnan di nos pais,” ta loke Ministro Gerlien Croes a declara despues cu e luznan a wordo cendi.  El a manda palabranan di pabien na directiva y fanaticonan di RCA.

   Pues awor RCA tin oficialmente su luznan nobo, cu miho iluminacion riba veld, y asina Gobierno hunto cu Fundacion Lotto pa Deporte ta haciendo inversion continuo den futuro generacion di e isla.  E potretnan aki pa cortesia di Ministerio di Deporte.