Mas di 170 ciclista a inscribi
ORANJESTAD (AAN): E tan spera Ride4Kids pa e aña aki, lo bay ta cuminzando dia 13 di September 2026, esta un Diadomingo marduga pa 2:00 am for di diferente lugar. Esey lo bira e di seis edicion di Ride4Kids, organiza pa Kiwanis Palm Beach Aruba. E final lo ta te 10:00 am na Neptali Henriquez Park na Oranjestad, banda di Linear Park pabao di Surfside.
Mirando cu e edicion di ultimo añanan tabata sumamente exitoso, Kiwanis Palm Beach Aruba a anuncia cu pa e evento e aña aki, lo tin distancianan disponibel di 175 km, tambe di 150 km, tambe di 125 km, tin di 100 km, 75 km, tambe 50 km, y di 25 km.
E biaha aki, ya mas di 170 ciclista a inscribi, incluyendo miembronan di Kiwanis Club of Palm Beach, y ciclistanan boluntario.
E evento anual aki di Kiwanis Palm Beach Aruba ta encera un buelta completo rond di e isla di Aruba ariba bicicleta. Esaki a resulta di ta un manera creativo y innovativo pa recauda fondo pa asina e club por cumpli cu su proposito di yuda comunidad, pero alavez promoviendo un estilo di bida saludabel. Lo tin parada di awa cada 25 kilometer di e ruta.
Cada kilometer cu e participante core, ta yuda recauda fondo pa mas di 200 mucha den necesidad. Bo ta core bicicleta y haci educacion accesibel pa e muchanan aki. Corda cu tur ganashi lo bay directamente na asisti e muchanan den comunidad.
E evento a cuminza cu e grupo di coredornan cu a priminti di lo core un ruta di 175 kilometer. Nan ta esnan cu a start e actividad aki. Despues a sigui esnan cu ta core distancia menos.
Esaki ta horario di salida: Pa cada grupo tin un horario diferente di salida, incluyendo lugar.
Pa 2:00 am, salida di grupo di 175 km for di area di Bright Bakery na Piedra Plat. Pa 3:00 am, salida di grupo di 150 km for di Neptali Henriquez Park.
Pa 4:00 am, salida di grupo di 125 km for di e Anker Cora na entrada di Sero Colorado. Pa 5:00 am, salida di grupo di 100 km for di Bright Bakery.
Pa 6:00 am, salida di grupo di 75 km for di Neptali Park. Pa 7:30 am, salida di grupo di 50 km for di Anker Cora na entrada di Sero Colorado.
Pa 9:00 am, salida di grupo di 25 km for di Bright Bakery na Piedra Plat. Pa 10:00 am, e final di e caredanan na Neptali Park.
Tuma nota cu e ciclistanan den grupo di 175, 150, 125, y 100 km mester tin luz dilanti y patras riba nan bicicleta.
Ora cu solo a lanta mainta, hopi ciudadano sinta pafo di nan cas lo mira e ciclistanan aki pasa door di nan bario.
Kiwanis Palm Beach Aruba lo tene awe Dialuna, un conferencia di prensa pa asina conta con e ciclistanan ta preparando pa nan evento di Ride4Kids di dia 13 di September 2026.
