ORANJESTAD (AAN): Recientemente Ministro di Deporte, Gerlien Croes, a tene un reunion productivo atendiendo diferente topico importante pa desaroyo di futbol na Aruba.
President Randolf Lacle di Arubaanse Voetbal Bond tabata presente, y asina a delibera ampliamente riba infrastructura, tambe e proyectonan di turf y mini-turf, e elabora riba e plan y schedule di Campeonato 2026-2027, a enfoca tambe riba futbol femenino y futbol hubenil.
Fuera di esey a atende asuntonan di facilidadnan, material deportivo y otro puntonan administrativo y organisatorio.
Ministro Gerlien Croes ta convenci, cu hunto ta sigui crea mihor condicion y mas oportunidad pa e futbolista- y clubnan. E trabou ta continua.
