ORANJESTAD (AAN) - For di 22 pa 30 juli 2022 a tuma lugar e Campeonato Panamericano de Mayores di Pesas
un competencia di nivel clasificatorio pa Weganan Panamericano di Chile 2023 cu ta
un multi evento cu tin atletanan di tur pais di region Panamericano. Un total di mas di
500 atleta di 22 pais participando. Pa Aruba a participa Nataly Geerman cu a hisa den categoria 76kg guia pa coach Internacional Walter LLerena for di Ecuador.
Nataly Geerman cu a bay bon prepara a hisa den categoria di 76kg den grupo B femenino a duna un bon bataya entre e grandi nan un total di 7 atletanan den su categoria. Atleta Nataly Geerman a logra Snatch 83Kg y Clean & Jerk 120 Kg pa un total di 203kg. Nataly a midi forsa den Clean jerk cu varios pais grandi como Argentina, Brasil, Canada, Nicaraqua, Uruguay y Republica Dominicana, tur ta bringando pa
posicion riba e scoreboard. Natalie a finalisa den den grupo B na di 3 lugra lagando 4 pais su tras.
Aruba Amateur Weightlifting Association ta felicita atleta Nataly cu bataya duro y a sa di duna un bon actuacion den e Campeonato Panamericano de Mayores. Un danki special ta bay na Comite Olimpico Arubano y su direccion technico hunto cu Cemedar pa nan apoyo pa e evento aki cu sin nan e evento lo no tabata posibel.
https://diario.aw/categories/noticia/deporte/nataly-geerman-cu-bon-actuacion-den-campeonato-panamericano-di-pesas-na-bogota-colombia#sigProId24a374494d
