Monica Pimentel y su atletanan di Impact Taekwondo ta den training intensivo na Mexico

ORANJESTAD (AAN): Despues di 3 siman na Mexico e team di Impact Taekwondo bou guia di Monica Pimentel ta den pleno training ainda.

            Training ta mainta y atardi y nan ta train hunto cu e seleccion di Monterrey. Nan ta train y bringa den tur training pa nan haya hopi mas experiencia den bringa.

            Siman pasa Anabella Fernandez, Kianna Krosendijk y Deevah Loefstop a participa den un campeonato na Mexico. Tur e atletanan a experencia un otro nivel di bringamento cu e Mexicanonan.

            E siman aki e atletanan por a train hunto cu e seleccion di Argentina cu tambe ta na Mexico pa training preparando pa nan proximo evento.

            Monica Pimentel ta hopi contento di por a realisa e biahe aki hunto cu su team di Impact Taekwondo. E ta preparando e damanan pa Campeonatonan Internacional di Cadet y Junior cu tin e aña aki y pa aña 2023.