ORANJESTAD (AAN) – Un alegria enorme tabata tin tanto na Tampa como na Aruba,
ora cu e team di mucha muhernan di futbol U15 a gana nan wega contra Virgen Island den semi final 1 pa 0.
Ganando e wega di ayera automaticamente e team di Aruba a pasa pa final caminda nan lo hunga Diasabra awor pa 11’or di mainta contra Nicaragua.
E team di Aruba U15 te awor no tin ningun wega perdi y sigur ta un alegria cu nan ta bay pa final. For di awor henter Aruba lo ta pendiente pa mira e hobennan aki hunga e final y cu nan trece e trofeo pa Aruba. Exito muchanan.
