Team Aruba U15 Girls ta hunga den playoff semi final awe

ORANJESTAD (AAN)- Diamars mainta e team di Aruba U15 di mucha muher a enfrenta e team di Virgen Islands

den e campeonato di Concacaf U15 na Hillsborough County Tampa Sport Complex. E wega tabata uno di basta suspenso ora cu Virgen Islands a hinca e prome gol.  Algun rato despues e hungador di Aruba Jill Dreischor a empata e wega.

Na dado momento Virgen Islands a bin haci e wega 2-1 caminda a pone mas presion riba e muchanan Arubiano .

Sinembargo den di 4 minuut di extra tempo e hoben Wendy Angela a trece e salbacion pa Aruba caminda el a hinca un gol y asina  ta empata e wega 2 – 2. Pa team Aruba esaki ta un momento di alegria caminda Aruba ta termina na  prome lugar den nan poule y ta pasa pa play off semi final y ta hunga awe.  Un palabra di pabien na e Team di Aruba cu ta dunando un bunita presentacion aya na Tampa y pa nan sigui cu e mesun corahe y disciplina pa logra bin cu e victoria maximo.

Aruba awor ta bay enfrenta Martinique awe y e wega ta bay wordo transmiti pa Tele Aruba.