Minister Endy Croes a felicita Tharel Simon cu su logro den Tar Heel Nationals

ORANJESTAD(AAN ) - Dialuna den oranan di atardi mandatario di Deporte Endy Croes a sorprende e atleta Tharel Simon na su yegada na Aruba.

Tharel tin 6 aña di edad y a participa recientemente den Tar Heel Nationals cu a tuma luga na Burlington, North Carolina.

Tharel a logra conquista seis diferente premio den e competencia di BMX como tambe a logra prome lugar den dos categoria esta e mix open como tambe internacional.

Minister Endy Croes ta felicita Tharel y ta gradici e pa pone Aruba su nomber briya cu su excelente logro!

Palabranan di pabien pa henter famia, entrenador y equipo completo cu ta sostene.